في يوم الأم .. أم الشهيد تسأل .. أين الحقوقيون

للمهتمين من الحقوقيين ، اليوم كنت موجود في وقفة أهالي الشهداء أمام محكمة المنشية ، كان في تصرفات لبعض المحامين ، وجعلوا الناس توقع على عرائض حاولت افهم الناس بتوقع على ايه ماقدرتش أدخل وسطهم ، واختفوا بعد ذلك وبدأوا يسحبوا الأهالي واحد واحد للمحكمة .

الكارثة الأخرى ، تحدث إلينا ضابط جيش برتبة مقدم ، وشرح سبب الإفراج من واقع وجوده لتأمين القاضي كما ذكر والحديث مسجل ، حصل تضارب بين أقوال أهل الضحايا ، وأحدهم اتهم وائل الكومي إنه قتل ابنه في محرم بك في نفس الوقت الذي شهد آخرون بوجوده في مكان آخر متهمينه بقتل آخر ، وطبعا كانت النتيجة إن القاضي أفرج عنهم بضمان محل عملهم
يجب التدخل لأن الناس دي والله تصعب على الكافر، وفي بشر بتركب على كتافهم ، صحيح اليوم جه في الآخر وتحول لغوغائية ، لكن استفذت إن في ناس من اللي بتطلع كثير في الإعلام بعد شوية ممكن يكونوا زي حسني مبارك و حبيب العادلي ، وبدايتهم أقوال لا أفعال محتاجين ننبه الناس دي ومحتاجين ننظم العمل للشهداء ، وبالمناسبة الشهداء مش بس اللي شكلهم حلو في الصور واللي أهلهم شكلهم “ولاد ناس ” كل واحد انصرب برصاصة في أيام الثورة ومات يبقى شهيد ماعدا اللي ماتوا وهم بيسرقوا ولا هربانين من السجن ، أنا باقول الكلام ده ، لأني سمعت من أهالي بعض الشهداء انهم لما بيتكلموا مع حد بيقولولهم “ده شكله سوابق” ، خطيرة جدا عملية تقييم الناس بناء على شكلهم ، الناس دي محتاجة بجد اللي يطبطب عليها ، الناس دي محتاجة اللي يحضنها ، مش يتاجر بدم ولادها ، ووالله أنا كرهت الإعلام اليوم أكثر من أي يوم تاني ، مافيش صحفي واحد جه من الساعة عشرة للساعة ثلاثة ، محتاجين نراجع حاجات كثيرة جدا عشان نبقى بني آدمين ، والناس اللي بتستنى لما تشوف الكاميرات فين وتنط قدامها ياريت يتقوا ربنا في الشهداء ويغوروا في داهية ، لأن أشكالهم بقت تقرف الكلب …

Posted with WordPress for BlackBerry.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s