ردا على صديق معلقا على مقال ماقريتوش

ردا على صديق معلقا على مقال ماقريتوش

314 شخصية يختارها قراء اليوم السابع للجنة تأسيس الدستور.. حسان وصبحى وحمزاوى والبرادعى وشيخ الأزهر والبابا شنودة وأبو حامد وساويرس والمسلمانى أبرز الأسماء.. وقارئ يقترح عائلة مبارك.. وأردغان ضيف شرف

مع إني ماكنتش ناوي أرد ، بس لأنك واضح انك شخص محترم مافيش مانع إني أمنحك بعض من وقتي اللي مالوش لازمة (هزار اوعى تقفش) ، أولا إحنا عدينا المائة مليون منذ زمن بعيد ، بس لأن إحنا شعب أريد له أن يكون فاشل واحنا رضينا بكده ، فلا بنعرف نعد اللي عندنا ، ولا بنعرف نعد اللي اتاخد مننا ، ولا بنعرف نقول رأينا لأن احنا أصلا مش عارفين الأصلح لنا ، دا احنا ابسط حاجة في الدنيا مش عارفين ننظف نفسنا لا من جوة ولا من برة ، حتى زبالتنا مش عارفين نلمها ، أنا اقترحت في يوم من الأيام على خالد الذكر أحمد نظيف ، ومن بعده عصام شرف (طبعا من خلال ناس) ألا تفكر اني ياما هنا ياما هناك إن نلم الزبالة ، وناخد منها اللي ينفع ، ونعمل مزاد علني للباقي ، كان الرد في حالة خالد الذكر الله يصبحه بالخير ، مين قال لك إن المسؤولين في بلدك عايزين البلد تنضف .. انت لما تكون عايش في بلد ريسها حرامي ، واللي تحته مافيا ، وبعدين تمشيهم ، وتجيب ناس بتخاف ربنا ، يقوم يطلع منهم في أول تلات شهور واحد كداب ، وواحد مش طايق نفسه ، وواحد أول ماقعد عين ابنه في شركة بتدي مرتب أحسن ، وكل واحد بيطمن على نفسه ومستقبله الأول ، مستني ايه ، طب لوغيرتهم ، هاييجي أحسن منهم يعني ، لأ طبعا ، أنا أول واحد لو مسكت ها دور على مستقبلي ، وانت كذلك ، وكل واحد في البلد دي ، عارف ليه ، لأن إحنا ناس طيبين شلنا هباب من عشرات السنين ، ولما نشتغل عارفين إن هايفضل نفس الهباب لعشرات السنين ، طول ماكل واحد في الشعب ده بيبص للي في إيد غيره ، وأبسطها أقصى آمال أي واحد فيهم إنه يبقى زي تركيا ولا ماليزيا ولا البرازيل ، مع إن أردوغان لما بدأ الإصلاح كان متخلف عن أوربا بقرون ، ماقالش أنا عايز أكون زي أوربا ، اشتغل ، وخلا أوربا بتلعن اليوم اللي رفضت فيه دخول تركيا للاتحاد الأوربي ، لأن ببساطة لو تركيا باقتصادها الحالي موجودة معاهم ، ماكانش حصل اللي بيحصل في اليونان وأسبانيا

طول ما أنا وانت وقرايبنا وحبايبنا وأصدقاءنا كل واحد بيبص للي في إيد غيره (بدرجات متفاوتة) ، وكل واحد عايز يكون الزعيم الأوحد ، وفهيم عصره وزمانه ، يبقى هانفضل زي ما إحنا لا هنروح ولا نيجي
سامحني بس أنا واخد امبارح دبل دوز عكاشة ومرتضى في الوريد ، لأني كنت مصمم أؤدب نفسي على تقصيري في حق نفسي ، وطلع تأثيره عليك .. أنا آسف لإزعاجك

Ahmed S. Al Sawi يا استاذ احمد احنا وصلنا لمرحله الرئيس الجاى لمؤخذه شبشب بصباع وفى شباب ومستقبل بيضيع علينا لو فضلنا كده أحنا بقينا 90 مليون دوله فى بعض ,, وعموما أتمنى ربنا يصلح حالنا جميعا

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s