قوم ياخرع .. وشوف شغلك

حالة الشرطة المصرية مثيرة للجدل ، وكان أن وجدت البوست التالي فكان لازم أرد عليه عشان مستفز

منقول ورديت عليه في الآخر : نقيب شرطة : انتوا عايزين مننا ايه ؟! نحمي تقولوا قتلة .. ندافع تقولوا مُتخاذلين .. نمشي تقولوا جبناء ! .. ازاي نحمي سجون ومنشاءات بقنابل غاز بس ازاي .. احنا كمان بنتأذي من الغاز بردو .. احنا تعبنا .. احنا اللي في وش المدفع واحنا اللي بنحاسب علي الفاتورة كل مرة والقيادات خايفة تتعامل بحزم لاحسن يتحسبو زي اللي قبلهم نعمل ايه ؟؟ قولولنا نعمل ايه .. احنا تعبنا

============
لو سمعت الكلام ده منه هترد تقول ايه ؟؟؟؟
————–
مصري
إنتهى النقل
_________________________________________
وكان ردي عليه
أقوله لو كنت اتعلمت تبقى راجل في الكلية ، واللي قبلك كانوا رجالة ، وانت نفسك لو مادخلتش بواسطة لواء فاسد ، ولو إنك دخلت الكلية بنية خدمة البلد مش بنية إنك تتمنظر بدبابيرك على البنات وعلى صحابك ، ولو إنت ورؤسائك بلغتوا عن كل فاسد في البلد وخصوصا الفاسدين إللي منكم واللي فيكم ، ما كانش كلب زي حسني مبارك لقى وسطيكم كلب زي العادلي يخليكم تركبوا على راس الشعب وتدوسوا على رقبته .. لو كنت إنت وزمايلك عملتوا كده من الأول ماكنتش دلوقتي قاعد تولول زي اللي مات لها قطة سيامي ، قوم ياخرع وشوف شغلك وارفع بنطلونك ماتسقطوش زي اللي لامؤاخذه

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s