رسالة للمعارضة :

نفسي أشوفكم فالحين وناجحين وتاخدوا الرياسة من مرسي والإخوان

لكن

واحد عجوز قال كلمتين فيهم الشفا

قال : لأول مرة يكون عندنا معارضة فيها ناس عايشة برة البلد ، من يوم ماشفت عمر عفيفي ، وبعده عمر سليمان وشفيق عرفت إن احنا إمام معارضة فاشلة ، لأن الراجل مايشغلشي عياله في الفاعل وهو عايش برة متجوز على أمهم ، وكمان يتأمر عليهم
المعارضة اللي هربت أيام عبدالناصر والسادات وحتى أيام مبارك عمر ما واحد فيهم تجرأ يهاجم البلد وهو برة .

ثم أردف قائلاَ أنا لا أعرف قناة السويس ولا عمري شفتها ولا أعرف محور التعمير ، ولا السد العالي … كل دي حاجات سمعت عنها زي ماسمعت عن أمريكا وروسيا وفرنسا … مش عارف موجودين ولا لأ .. ولا أفهم قانون ولا دستور ولا الوزرا دول بيعملوا إيه

لكن الحاجات اللي أعرفها

إن رغيف العيش ينزل سعره ، أو آخده من غير وجع قلب ، أو يبقى نضيف .
أفهم إن لما القمح يزيد هنبقى بلد كويسة
أفهم إن المواصلة تيجي بسرعة ، وان الكهربا ماتحرقليش التلاجة اللي بقالها عندي 30 سنة
أفهم إن الواد ابن بنتي اللي بقاله 5 سنين ماشتغلش اشتغل صح بمرتب زي وشهم بس بيقول الإخوان شغلوني
وبالعافية يابني فهمت إن الدولار لما سعره ينزل هنبقى كويسين

قال لي : نفسي بتوع البرادعي وحمدين وشفيق يعرفوا إن ده اللي بافهمه ويكلموني على أده ، ولو عايزيني أفهم غير كده يجيبولي حد على أدي يكلمني بالراحة مش أحس أنه “هيطرش” في وشي

قال لي عارف في كام مليون واحد زيي ..

قلت له : كام

رد ماعرفشي …. مش انتوا بتوع المدارس قولوا لي .. وقول لحمدين والبرادعي يعدوهم

لأن دول اللي هينجحوا الإخوان في الانتخابات اللي جاية

🙂

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s