معلش ياولاد إيدي مش فاضية يوم 30 يونيو

الناشطة السياسية المتألقة دائماً ، أحست بالخطر الداهم من شوية “العيال” بتوع تمرد وقررت أن تستبق دعوتهم للتظاهر لسحب الثقة من مرسي والجيش والحزب والشعب كله – قررت أن تستبق الدعوة بدعوة للتمرد يوم 17 مايو .

طبعاً اللهم لا اعتراض على أي واحد عايز يخرج ولا يتمرد ولا يتظاهر ولا حتى يقطع هدومه في ميدان عام

بس السؤال للست الناشطة انتي جاية مع مين ؟
طبعاً الإجابة القديمة المستهلكة بتاعة العواجيز اللي زيي
جاية مع عفش العروسة
واضح إنها تقريباً مشغولة يوم 30 يونية موعد دعوة تمرد فقالت يمكن أوقع مرسي يوم 17 مايو يعني كمان “تلات تيام” أعزكم الله
أنا بافتكر لما كان أبويا ربنا يدي له الصحة والعافية بيروح يسجل حلقات دينية مدتها سبع دقائق كان بيقعد يحضر لها بالساعات ، ويروح ينتظر ميعاده بالست سبع ساعات عشان يسجل خمس حلقات

انتوا بقى الله يكرم أصلكم يابعدا عايزين تسقطوا حاكم في 3 أيام ، مامصيبة لتكونوا صدقتوا إنكم عملتوا ثورة بجد.
على فكرة لولا إن الجيش والحرس الجمهوري كانوا قرفانين من مبارك وولاده ومراته ، والمخابرات قالت لعمر سليمان لا يامعلم مش لاعبين ، كان زمانهم نزلوا لكم فرقة مطافي الجيش ، لا قلت صاعقة ولا لاسمح الله شرطة عسكرية كانوا على الأقل كسحوكم

ياريت المعلم اللي بيقبض يبص علينا شوية ، والله من غير وجع القلب ده كله ممكن أكسبه البلد كلها ، ويمكن ساعتها مش بس أسلمه الحكم تسليم أهالي ممكن أقنع مرسي يسيب الحكم والإخوان يبيعوا له قطر وتركيا والبرازيل فوق البيعة

إرحموا ضعفي

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s