والله من وجع قلبي … ماعرفت أختار عنوان

فيسبوك تتفاوض لشراء شركة صناعة طائرات بدون طيار “تايتان إيرو سبيس”

لماذا … كي تقوم بتوصيل الإنترنت إلى المناطق المحرومة منها ، وستقوم بتصنيع طائرات بدون طيار تستطيع البقاء في الجو لمدة خمس سنوات متواصلة وتقوم بدور الأقمار الصناعية

إزاي … بتشتغل بالطاقة الشمسية ياخفيف

طيب

الإمارات … صاحبة الفضل بعد الله على العبد الفقير إلى الله محدثكم واللي لحم كتافي من خيرها

غنية مش فقيرة … بس عايزة “توفر” تكلفة تداول المستندات بين الدوائر الحكومية والوزارات فقررت دعم شباب إماراتيين قاموا بتصنيع طائرات بدون طيار لنقل المستندات ..

طييييييب

إحنا في بلد السبع تلاف سنة حضارة – مش عارف حتفضل لغاية إمتى واقفة عند الرقم ده – لكن – زززززززززززززززز – على رأي أخونا حسام – ماعلينا – البلد دي إحنا عايشين فيها مع شوية ناس ولاد هرمة … حكومة رايحة وحكومة جاية وخبرا وبهوات وبدل وكرفتات وبودي جاردات …
ولاد الهرمة دول

– لا عارفين يجيبوا ريس يحكمهم
– و لا عارفين يلموا زبالة
– و لا عارفين يرصفوا طريق
– و لا عارفين يحطوا قواعد عمل يمشوا عليها
– ولا عارفين يزرعوا زي الناس
– ولا يصنعوا زي العالم والخلق
– ولا ينشطوا سياحة
– ولا يجيبوا مية يشربوها للبهايم ناهيك عن يشربوها للبشر
– ياراجل ده الكهربا شغالة بالضالين
– ولا عارفين يحترموا دين مسيحي مسلم أي دين
– ولا فاهمين إقتصاد
– وقطاع طرق
– و إرهاب
– و لا تعليم
– و لا صحة
– يا مولانا مش عارفين حتى يعملوا مؤتمر يناقشوا فيه إختراع … بالمناسبة إختراع المية من الهواء ده إختراع شوية ضلالية ، لإن إحنا واحنا في إعدادي عملنا التجربة دي في مختبر العلوم في مدرسة زايد الثاني بأبوظبي … والمدرس وقتها قال لنا طبعاً اللي عملتوه ده حاجة بدائية لكن هذا الاختراع موجود ومسجل ويستخدمه الجيش الأمريكي وأضاف عليها إن شرح لنا كمان كيف تحصل الغواصات على الهواء النقي وهي التي يبقى طاقمها تحت الماء بالأسابيع وربما الأشهر … فمش كل حد يقول لكم إختراع تصدقوه …!!! بالمناسبة الراجل بتاع الكفتة جايب جهاز تخليص بلازما من الدم عادي جداً موجود في بنوك الدم من زمااااااااااااااااااااااااااااااااااان … ربما يكون جاب بصمة الفيروس الله أعلم … بس ربنا يوفقه وما يجيش اللي يوقفه .

– المهم يا مؤمن إحنا عايشين في بلد فيها طبائع المصريين الضلالية !!!

يعني الراجل يبقى شغله ماشي عال العال وتيجي تسأله أخبارك وأخبار ولادك إيه – مش أخبار شغلك – يقول لك والله السوق واقف ، والدنيا خره مش ملاحقين عالغلا والحالة ضنك … وتلاقيه ياخويا يوم العيد دابح عجل ورايح السنة اللي بعدها حاجج بيت الله بمية ألف وفي النص عامله عمرتين كل واحدة بعشرين ألف وبعدها بسنة عامل فرح ابنه وجايب رقاصة بكرش دافع لها في ساعة 3000 جنيه على الأقل ده غير الحبشتكنات .

نفس الحكاية … البلد حالتها ضنك ومش عارفين نجيب سيولة وبنشحت إيه وإيه – ده كلام مبارك ، ونظيف لما كانوا بيروحوا يقبضوا الشيك من الإمارات ، وبعدين تكتشف إنه قبل الثورة واحد مذيع في التلفزيون المصري عقده تسعة مليون ، إمال رئيسه المباشر كان بياخد كام … ومن باب أولى نسأل رئيس وزراؤه اللي كان بيشحت علينا كان بياخد كام …

طب ياسيدنا بتشحت علينا ومش عارف حتى تضحك علينا بقرشين نبر بيهم نفسنا … امال بعد “ثورتين” !!! إزيكم بجااااااااااااااااااااااا

بالمناسبة
فيسبوك كملت 10 سنين
والإمارات يادوب مكملة أربعين سنة
وأمريكا يادوب حتكمل 250 سنة كمان 12 سنة

مش 7000 سنة

لكن إحنا شعب فاسد … زي العيل الفاسد … ورث أبوه الغني وقاعد بقاله سنيييييييييييييييييييين بيشرب بورثه مخدرات وخمرة ويجيب نسوان … بس الظاهر أبوه كان راجل طيب فالفلوس مابتخلصش … والظاهر ربنا مش عايز يفضح عياله فساترها مع ابن الكلب عشان خاطرهم ….

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s