توقعات … أراجوزات !!

توقعات
PicsArt_1413318274104
اللعبة إتلعبت بين ناس كتير ، ناس اتقلبت على ناس ، ﻷن الناس التانين قرروا يلعبوا اللعبة بطريقتهم .

الناس اللي في إيديهم الخيط كانوا عارفين إنه مش حبل حرير بس كانوا مفكرينه كتان ، طلع سلك صلب ناشف ما بيتنيش ، يعني المناورة مش سهلة .

طلبوا من ناس تانيين يقفوا معاهم ويوسعوا لهم السكة ، ويكبروا الدايرة ، ومش مشكلة لو في سكتهم داسوا على أي حد .

وسعوا لهم الدايرة ، وكل ما حد يقرب يبعدوه وطبعا السلك من كثر الحركة بيسخن ، فيسيبوه من إيديهم شوية بشوية ، فبتوسع الدايرة
كل شوية يرموا حد من اللي كان ماسك حتة من السلك ﻷن اللي فاضل مايكفيش ، وتلاقي  ناس بتترمي برة الدايرة ، واللي جاي لبرة ده ياعيني مجروح فيطلع قرفه في مين في الغلبان اللي واقف أصلاً برة ، ويقعد يزق الناس قال يعني بيساعد اللي جوة ، ولا اللي جوة شايفه ولا عايزه ، ولا اللي برة طايقه ولا فاهمه .

يقوم يعمل إيه ، يزعق ويشتم عشان صوته يوصل للي جوه ، وعشان اللي برة يحس إنه مهم تبع اﻷسطى يعني .

نرجع للي جوة ، من كتر ما طول السلك بقى التقل اللي بيلف بيه تقيل عليه ، وعلى اللي معاه ، ده غير إن السلك بقى بيجي له سخن مولع أصلاً ، وكل شوية ناس بتقع يا إما ما عادلهاش مكان ، يا إما اللياقة يا إما بيتخانقوا على المية اللي بتيجي  …

كله تعب ، أجدع واحد في الليلة دي … اللي سايب السيرك ده كله وقاعد على القهوة هناك بيشرب شاي .

المصيبة بقى إن السلك لما يخلص و لا يفضلش غيره هو لوحده اللي ماسكه هيحصل إيه حاجة من اثنين .

– يا إما يفلت منه أو يقع هو من طوله وفي كلا الحالتين ..خد تلويش للصبح
– يا إما ييجي واحد يقول له عنك أو أساعدك فيقوم صحابه ييجوا يلحقوه قبل مايتاخد منه السلك وبرضه خد عندك تلويش للصباح الباكر

طبعاً ممكن في التلويش ده تاخد أي حد في سكتها ، ولجل البخت تيجي لابسة في راس الغلبان اللي قاعد على القهوة لا ليه ولا عليه ….

طب عارفين اللي قاعد عالقهوة ده اللي بتقولوا عليه مكبرها وبايعها قاعد من بدري بيقول للقهوجي كل ما يعدي من قدامه إيه؟ بيقول له:  قول لهم شدوا وارخوا عشان السلك مايسخنش في إيديكم ..

بس اللي حوالين اﻷسطى مصممين ماحدش يقوله إرجع وهو مفكر إن السلك طويل

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s