بجِملة الدبْش

بِجملة الدبش الذي يُقرأ ، فلا تجد ما ترد به عليه سواء كنت مقتنعاً بما فيه لكن صورتك أمام الآخرين تمنعك ، أو معترض على بعض ما فيه ولا تريد أن تخسر أحداً ..!!

ما سأقوله الآن يمس الجميع بلا استثناء ، لذلك من يأخذه على أنه موجه له شخصياً فليراجع نفسه وطريقة تعامله مع وسائل التواصل …

فوقوا بقى … إيه كل اللي عندكم شغل سلفيين و محاضرات و وعظ وإرشاد ، ما فيش نكتة ، ما فيش في السيرة – اللي هي جزء من التراث- ما فيش مواقف ، ما فيش حد منكم فاكر حاجة كان يقرأها في سمير وميكي ولا حتى في الشبكة و الصياد  .

طيب ما فيش حد و هو ماشي كده شاف صورة حلوة ولا عفشة حتى يصورها ويلطع عليها كلمتين ..

ما فيش حد وقع أمامه بيتين شعر بيوصفوا شجرة ولا عينين جميلتين …

إلا تلاقي عرايض و برايز ، و ناس تقطع الخميرة من البيت ، وكل شوية إدعوا لمحمد حسان … يا بني ياحبيبي الصورة دي بتلف أم المخروب ده بقالها ثلاث سنبن  سؤال  هو محمد حسان جاوب على سؤال الستين مليون اللي لمهم أيام مرسي – عشان ما شفتهاش بتلف مع اللي بيلفوا — ، و شوية إدعوا لعمرو خالد .. ماشي ياعم ، بعد شوية تلاقيه طالع نازل ولا عيل عنده ١٥ سنة ، وعلمني مش عارف مين وأدبني مين ، وافتراءات حتى على الصحابة ورسول الله بقصد وبدون قصد …

إرحموا أبونا من العرايض ، وتطبيقات الأدعية ، حتى الأدعية اللي بتحطوها بقى تداولها سخيف وفقدت قيمتها … نفسي حد يفتح كتاب من كتب الإمام الذهبي يشوف لنا حاجة عدلة ، نفسي واحدة تجيب لنا كلمتين من ال ٢٠٠ كتاب التي ألفها العملاق أنور الجندي ، في الأدب والاجتماع والسياسة والدين ..

بقيت أكره إبراهيم الفقي الذي قرأت وسمعت عنه وسمعته قبل أن ينشهر هذه الشهرة ، ويذكر بعض أصدقائي هنا عندما كنت أشغل أشرطته في السيارة …. إرحمنا حرام عليك … بقى إبراهيم الفقي حمال القسية … أي حد عنده بقين مشعارف يقولهم ينسبهم للفقي ولا الشعراوي ولا الغزالي .. و مؤخراً حسان ويعقوب والحويني ، وشوية العيال اللي لسة عايشة في موضة القميص المفتوح …

إرحموا … خلوا رحمة ربنا تحل ، فكوا الجبس … إطلعوا من الصالون روحوا اقعدوا في الأنتريه .. أقعدوا في المطبخ … بلاش الرسميات الكدابة التي فرضت على حياتنا بسبب عقدنا و قرفنا…

أو تصلي على اللي هيشفع لأمك واقعد ساكت اتفرج ، و استفيد وادخل نام بعد كده …

يا ريت أولاً  أم تطبيقات الأدعية دي تقفلوها عشان قرفنا واحنا بنحذر منها ومن أخطائها..

ثانياً كل ما تيجي تعمل شير فكر كده القرد اللي بينطلنا في كل حتة اللي اسمه أحمد الصاوي قال إيه

على الله حد يعمل لايك أو يعلق .. بجد

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s